Durrës, 23 Korrik 2024/noa.al- Një djalë në moshë të re humbi tragjikisht jetën gjatë natës duke gdhirë dita e sotme në një aksident rrugor në Durrës, raporton noa.al.
Ngjarja ndodhi në afërsi të fshatit Bilalas kur një burrë humbi kontrollin e automjetit që drejtonte duke pasuar vdekjen e pasagjerit në mjet.
Policia tha sot se specialistët e qarkullimit rrugor arrestuan në flagrancë shtetasin S. L., 46 vjeç, banues në fshatin Rubjekë.
“Arrestimi u bë pasi mbrëmjen e djeshme, në fshatin Bilalas, ka humbur kontrollin mbi drejtimin e automjetit dhe si pasojë automjeti ka dalë nga rruga”.
Nga aksidenti ka humbur jetën në Spitalin e Traumës, pasagjeri në këtë automjet, shtetasi Gj. Gj., 32 vjeç, banues në Shijak.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.
Foto arkiv
