Një psikiatër i njohur ka ndarë arsyet pse ai nuk pi alkool, duke u bazuar në përvojën e tij me pacientët.
Dr. Daniel Amen, i cili gjithashtu autor i 12 librave bestseller në New York, përdori TikTok për të ndarë me 2.8 milion ndjekësit e tij pse ai ka zgjedhur të mos konsumojë alkool.
Në videon e shpërndarë, Dr. Amen shpjegon se nuk pi alkool sepse “i pëlqen truri i tij” dhe nuk dëshiron “të humbasë kontrollin”. Ai përmendi se skanimet e trurit të njerëzve që pinë tregojnë dëmtime të konsiderueshme, veçanërisht në lobin frontal, që kontrollon gjykimin, impulset dhe ndjeshmërinë.
Në një tjetër video, Dr. Amen shton:
Nuk dua që ‘mbikëqyrësi im moral’ të pushojë, më pëlqejnë vendimet që marr dhe çdo javë shoh dikë që është në telashe për shkak të alkoolit.”
Sipas tij, shumë njerëz thonë gjëra që nuk duhet apo bëjnë veprime të gabuara pas konsumit të alkoolit.
Ai gjithashtu thekson se njerëzit shpesh e përdorin alkoolin për të larguar përkohësisht kufizimet morale, por ai sugjeron që është më mirë të mësosh të jesh i lirë pa nevojën për të humbur kontrollin.
Në komente, disa përdorues falënderuan Dr. Amen për mesazhin e tij, duke ndarë përvojat e tyre personale me alkoolin.