Ministria e Jashtme e Iranit tha sonte se nuk do të hezitojë të marrë masa të mëtejshme mbrojtëse për të mbrojtur integritetin e saj territorial.
Në një deklaratë, Ministria e Jashtme e Iranit tha se “operacioni mbrojtës” i Teheranit është në përputhje me të drejtën e vetëmbrojtjes dhe se ai synonte vetëm objektet ushtarake dhe të sigurisë në Izrael.
Një gazetë izraelite njoftoi se vëzhgoi një numër raketash iraniane që goditën bazën ushtarake Navatim në Negev në jug të territoreve të pushtuara palestineze.
Ushtria dhe qeveria izraelite kanë ndaluar publimin e çfarëdo lloj video që tregon pamjet e goditjeve të raketave iraniane në territoret që aktualisht kontrollohen nga Izraeli.
Garda e Revolucioinit Islamik të Iranit ka njoftuar se për herë të parë gjatë këtij sulmi ka përdorur raketë supersonike për të bombarduar bazata ushtarake ajrore dhe anti-ajrore “Arrov-2″ dhe Arrov-3”.
Gjithashtu burimet informative raportojnë se raketat iraniane kanë goditur tre bazat kryesore ajrore izraelite “Nevatim” e cila mbanë avionët luftarakë F-35, bazën ajrore “Netzarim” dhe bazën ajrore “Tel Nov” ku ishin dislokuar avionët luftarak F-15 të cilët kryen aoperacionin e vrasjes së Sejed Hasan Nasrullah.
Irani i bëri thirrje Këshillit të Sigurimit të OKB-së të ndërmarrë “veprim kuptimplotë” për të parandaluar kërcënimet kundër paqes dhe sigurisë rajonale.
Presidenti i Iranit tha se sulmi ndaj regjimit sionist ishte në mbrojtje të interesave dhe shtetasve iranianë.
Z. Masoud Pezeshkian, presidenti i Iranit, pas sulmit raketor të Gardës së Revolucionit Islamik që goditi zemrën e territoreve të pushtuara, tha: “Netanyahu duhet të dijë se Irani nuk është luftënxitës, por ai do të qëndrojë i vendosur kundër çdo kërcënimi”.
Ushtria izraelite pohoi se Korpusi i Gardës Revolucionare iraniane përdori për herë të parë raketën hipersonike Fattah.
Duke iu referuar hakmarrjes raketore të Iranit, Misioni i Përhershëm i Iranit në Kombet e Bashkuara deklaroi: “Nëse regjimi sionist reagon me të keqen e re, përgjigja e radhës do të jetë shkatërruese”.
Pentagoni: Ne i kërkojmë Iranit të ndalojë sulmet e mëtejshme
Departamenti Amerikan i Mbrojtjes njoftoi se nuk dëshiron zgjerimin e konfliktit në rajon dhe dëshiron që Irani të ndalojë sulmet e tij të radhës.