Shtetet e rajonit janë përfshirë nga përmbytjet dhe rrëshqitjet e dheut, me Bosnjën dhe Hercegovinën duke raportuar madje edhe për viktima.
Në këtë situatë alarmante, ka folur Besim Aliun, përfaqësues nga Instituti Hidrometeorologjik i Kosovës, rreth rrezikut të mundshëm për vendin tonë.
Aliu konfirmoi për Klan Kosova se në Kosovë pritet shi në të gjithë territorin, por me intensitet të dobët deri në mesatar, dhe theksoi se duke u bazuar në shumë faktorë, për fat, ne nuk rrezikohemi nga përmbytjet si shtetet fqinje.
Lexo edhe:
Parku Kombëtar Zatra pastrohet nga minat, Hovenier: SHBA ndihmoi që nga viti 1999, një hap më afër qëllimit
Plagoset me armë zjarri një grua në Prishtinë, Policia jep detaje
Osmani në Francë: Kosova e përkushtuar për fuqizim të pozitës së saj ndërkombëtare
Ndryshe, situatë e rëndë si pasojë e përmbytjeve është aktualisht në Bosnjë e Hercegovinë, ku kanë humbur jetën së paku 20 persona.
Ministri i Mbrojtjes i Bosnjës dhe Hercegovinës, Zukan Helez tha se deri më tani sipas informacioneve të ende të pakonfirmuara janë 20 viktima si pasojë e përmbytjeve dhe rrëshqitjeve katastrofike në këtë shtet.
Ai tha në Al Jazeera Balkans se pjesëtarët e Forcave të Armatosura të Bosnje-Hercegovinës, të policisë dhe të forcave ndërkombëtare janë të angazhuar dhe po merren me gjendjen në terren. “Ne do të kërkojmë ndihmë nga bashkësia ndërkombëtare dhe vendet e tjera”, shtoi ai.